Tshiluba kubala : Kabundi ne makangala (Magazine kuetu kakujiminyi)

Kabundi ne Makangala bavua badie bulunda; dimue kuyabo kuendakana. Kabundi kuambila Makangala ne : Meme mubuele mu musasa ewu, kanuena mua kungambula to.

Makangala ne: wewe kakese nenku katukuambudi munyi? Mbujitu kayi buudi nabo?

Kabundi ne : tekayi musasa pa tushinde apa. Kubuelaye mu musasa e kuasa nzadi mu tushinde bikole. Makangala kuambula kupanga.

Kabundi upatuka e kuambila Makangala ne: Nuenu babuele, ndi mua kunuambula. Makangala ne : wewe kakese, tupanga mua kukuambula, amu tuetu banene aba utuambula !

Ke yeye ne : ee anji buelayi. Makangala umvua nanku e kubuelawo onso.

Kabundi utua mikemu, kuambula bakuenu amu bu nsona, kuteka pa dikaya, kuya nabo muende. Mufike muende nenku, e kutula balumiana panshi. Kuangata nsona ne mudilu, kuosha bakuabo, kubandamuna munyinyi wa bidia

Mu nsombelu wetu, tuepuke mua kuenzela bakuabo bibi .

✍️ Jean-Claude Ngalamulume Bak’s